Ministri i Punëve të Brendshme, Oliver Spasovski sot në Berovë duke u përgjigjur në pyetje të gazetarëve tha se nuk ka vonesë në lëshimin e dokumenteve personale, pasaporta dhe letërnjoftimeve.
“Qytetarëve u jepen dokumentet personale, por vëllimi i kërkesës është rritur nga shkaku i krizës me pandeminë”, tha Spasovski i cili demantoi pohimet se ka ndërprerje të furnizimit me dokumente personale.
Sipas Spasovskit, dokumentet nuk do të lëshohen deri të hënën për shkak të transferimit të të dhënave në sistemin e ri të Ministrisë së Brendshme.
“Dokumentet personale janë duke u lëshuar edhe tani, thjesht ka pasur një rritje të kërkesës për shkak të krizës me COVID-19, ku shumë njerëz nuk kanë parë skadimin e dokumenteve të tyre personale. Kemi njoftuar që nga sot në ora 21:00 do të kemi transferim të të dhënave në sistemin e ri për lëshimin e dokumenteve, është procedurë që duhet ta përfundojmë, sepse ligjet dhe kushtetuta na detyrojnë, dhe që nga e hëna do të fillojmë të funksionojmë normalisht”, thotë Spasovski./Telegrafi/
Rezi: Të premten del Gresa
Austin: Ekzistojnë prova për dërgimin e trupave koreano-veri...
“Në BE, në 2030”, Rama: Shqipëria zgjohet dorë për dore me B...
Hovenier bën thirrje për proces të hapur e gjithëpërfshirës ...
Kurti në takim me përfaqësuesin e mbi 20 milionë bizneseve
“Fanatikët e BE janë në Shqipëri”, Rama: Na pres...